– Atlanten videregående skole er ein spennande arbeidsplass der det skjer mykje for tida. Å få vere med å vidareutvikle skolen saman med dyktige tilsette, slik at vi fortsett å vere ein robust skole i framtida, er noe eg ser fram til, seier Rune Heggdal i ei pressemelding frå fylket.

Heggdal har utdanning som høgskolekandidat ved Bedriftsøkonomisk Institutt og som adjunkt ved Statens Lærerhøgskole for handels- og kontorfag.

Han har hatt stillingar knytt til vidaregåande skole sidan han vart ferdig med utdanninga i 1991, først i undervisningsstilling ved Frol videregående skole og frå 1994 ved Atlanten videregående skole. Han har dei siste to åra vore tilsett i leiarstillingar ved skolen. Det siste året har han vore konstituert assisterande rektor.