Men praktisk talt all elkraftproduksjon i Norge er fornybar i form av rein vasskraft, ca 98 %, varmekraft ca 1,1% og vindkraft ca 0,7%. I eit normalår produserer vi ca 125 TWh. Og gjennomsnittlig årlig eksport frå 1990 - 2007 utgjorde vel 3.000GWh. (NVE sine nettsider) Norge har med andre ord nok kraft, sjølv om Midt-Norge har kraftunderskot på grunn av Ormen Lange-utbygginga. Men er det rett å pepre den unike Norskekysten med gigantiske vindturbinanlegg, når det finns mange andre og bedre alternativ for å løysa den påståtte kraftkrisa? Berre for at Ormen Lange-anlegget skal få nok kraft til å pumpe all gassen til England, der den likevel blir brent. Kunne vi ikkje bruke litt gass til kraftproduksjon her heime? CO2-en frå den brente gassen hamnar vel i den same atmosfæren uavhengig av kva for side av Nordsjøen den blir brent?

Det planlagte gasskraftverket på Tjeldbergodden ville hatt ein årsproduksjon på 7 TWh. For å få like mykje straum frå vindkraft, måtte vi bygge over 1.000 vindturbiner! (På Smøla er det 68). Kor skulle vi plassera alle desse? I I forhold til energiutbyttet er vindkraft det suverent dårlegaste alternativet av alle fornybare energikjelder. Og svært upålitelig på grunn av vindens luner. Vindkraftselskapa reknar med produksjon i 3.000 av årets 8.760 timar. I følge NVE sine siste bergninger er åreproduksjonen 15-20 % mindre, alså toppen 2.500 timar!

Regjeringa si målsetting er 3 TWh produsert frå vindkraft innan 2010. I følge Teknisk Ukeblad kunne vi fått 12 TWh ny kraft ved modernisering av eksisterende vasskraftanlegg. Heilt utan nye naturinngrep. Altså 4 gonger så mykje som regjeringa si målsetting frå vindkraft. Støttenivået til modernisering av vasskraft er berre 4 øre mot 8 øre for vindkraft. Å satse på utbygging av fleire omstridte vindkraftverk er med andre ord heilt unødvendig.

I Aure er det omfattende utbyggingsplaner for vindkraft. Frå låglandet på Tustna til fjelltoppane på Ertvågsøya og Skardsøya. Inngrepa vil føre til ei nermast total rasering av store uberørte skog- og fjellområde i vår naturskjøne kommune. Alle innfartsvegene til kommunen vil verte utskjemte av dominerende vindturbiner anten vi kjem frå Kristiansund, Halsa eller Hemne. Dette vil vere særs dårlig reklame for ein kommune som vil satse på turister og reiseliv. Men det viktigste er sjølsagt kommunen sine eigne innbyggere. Alle som vil få sine kjære nærområde ødelagt av inngrepa. Flotte natur- og turområde kan bli forvandla til store anleggsområde for all framtid. Det er ikkje så enkelt som mange trur at det berre er å fjerne vindturbinene, og så er alt som før. Inngrepa blir alt for omfattende til at det er mulig.

Dyre- og fuglelivet vil også bli sterkt skadelidende ved slike utbygginger. Mange raudlista fuglearter har hekkeområder i planområda.

Eit av argumenta til tilhengkrane av vindkraft er nye arbeidsplasser. Statistikken viser at nesten alle kommuner som har fått vindkraftutbygging har hatt nedgang i folketalet. Smøla har hatt ein nedgang i folketalet på ca 7 % sidan det første vindkraftverket vart opna i 2002. Mange personer eg kjenner, seier i fullt alvor at dersom det blir vindturbiner der dei bur, så flytter dei. Dette er dårlege signal for ein kommune som slit med å halde folketalet oppe. Det er med andre ord ein veldig dårlig ide å satse på vindkraft i Aure.

Magnar Lien