Ein rapport til Bernkonvensjonen anbefaler at deler av vindparken bør stoppe i periodar for å unngå at fleire havørn blir drept i møte med rotorane på vindturbinane.

Les også: Kan ha brutt konvensjon

26 døde havørn over tre år gir grunn til aksjon, meiner rapportforfattar Eckhart Kujken, som er tilsett i sekretariat i Bernkonvensjonen. Han anbefaler at vindturbinane i Smøla I og II blir plukka ned når konsesjonen for vindparken går ut i 2026.

Stakraft avviste mandag å kommentere rapporten. Men kommunikasjonsrådgjevar Aslak Øverås meiner at havørnbestanden i Norge er meir robust enn nokon gong.

– Ifølge forskarar ved Norsk institutt for naturforforskning er det ingen fare for havørnbestanden, verken på Smøla eller i landet totalt sett, seier Øverås.

Ingen konklusjon

Kjetil Bevanger i instituttet står i spissen for eit forskningsprosjekt som med støtte frå mellom andre Statkraft ser på konflikten mellom fugl og vindturbinar på Smøla.

Han vil ikkje gå god for påstanden frå Aslak Øverås.

– Vi er midt i eit forskingsprosjekt, og kan ikkje kommentere bestanden lokalt før prosjektet er ferdig. Det skal vere avslutta i 2011, og før alle data er samla inn, er det ikkje grunnlag for å konkludere. Derfor kan eg ikkje svare ja eller nei på spørsmål om kva vindparken har å seie for havørnbestanden på Smøla, seier havørnforskar Kjetil Bevanger.

Strategi

Rapporten som Eckhart Kujken laga etter at han besøkte Smøla vindpark i juni, skal behandlast på Bernkonvensjonen sitt møte i november. Kujken meiner etableringa av Smøla vindpark viser at det er behov for handling, og at ein no treng ei prøvesak.

Rapporten slår fast at regjeringa i Norge ser ut til å følge ein strategi som går ut på å ikkje ta omsyn til viktige område for fugl eller natur når målsettinga om nye 3 TWh vindkraft innan 2010 skal fyllast.